ليش الإعلانات بمنصة سايبو حالياً قليلة؟ وشو القصة ورا تأخير ظهور الإعلانات الجديدة؟
منعرف تماماً قديش كل شخص منكن ناطر يشوف إعلانات أكتر وأرباح أعلى بمنصة سايبو، وفعلاً منقدر هالشي ومنحترم وقتكن وجهدكن يلي عم تحطوه كل يوم بالمنصة. بس خلونا نحكي بصراحة شوي:
منصة سايبو لساتها جديدة، وعم تكبر شوي شوي بفضل دعمكن وتفاعلكن، وقت عم تدعوا أصدقائكن للاشتراك وعم تشاركوا الرابط، عم تساعدونا نبني مجتمع حقيقي وقوي بيستاهل يوصل للناس كلها.
هلأ، ليش ما في كتير إعلانات؟
السبب بسيط وصريح: نحنا ما بدنا نجيب أي إعلان وبس، ولا نشتغل بعشوائية. بالعكس تماماً، نحنا عم نأسس منصة سورية رسمية، ورح تكون شركة مرخصة قانونياً، وملتزمين نشتغل تحت القوانين والأنظمة المحلية من الهيئة الناظمة للاتصالات.
يعني ببساطة، ما رح نفعّل خدمة الإعلان قبل ما ناخد التراخيص القانونية بشكل رسمي. ليش؟ لأننا بدنا المنصة تكون مفيدة، آمنة، ومحترمة لكل الأطراف: للمُعلن، للناشر، وللي عم يتصفح الإعلان.
نحنا يومياً عم نشتغل، عم نطوّر، وعم نسهر لنخلي سايبو مشروع يليق فيكن وبثقتكن فينا. من شكل المنصة، للتقنيات، للأنظمة التسويقية، كل شي عم ينبنى على أساس متين.
وكمان، نظام الإعلانات وجوائز دعوة الأصدقاء (الريفرال)، هو جزء من خطتنا التسويقية لإشهار سايبو، ورح يتم تمويله من رأس مال المشروع نفسه بدون أي شركة راعية، حتى نحافظ على استقلاليتنا ونقدر نقدم خدمة فعلاً فعّالة ومفيدة.
لهيك، منطلب منكن شوية صبر وتفهّم، لأن يلي عم نأسسه مو بس موقع، بل شركة سورية رسمية رح يكون إلها دور كبير بالمستقبل كمكان حقيقي للإعلان والربح والنمو.
شكراً من القلب على دعمكن وثقتكن، وإن شاء الله تعالى الجاي أحلى، وفترة قصيرة رح تشوفوا تطوّر جديد رح يخليكن فخورين إنكن كنتوا من أوائل الناس يلي آمنت بالمشروع. 🌺
EN
